هلا
هاذي قصيدة السفينه للشاعر الكويتي حامد زيد
ضاقت اوساع الفيافي والوعد متن السفينه
لطريق الي دعاني بعد امان الله ومانه
لا تناديني وصوني قلبك الله لا يهينه
لا يراهن في رجوعي لجل ما يخسر رهانه
ليه مرحل عن غرامك بعد ماذقت الغبينه
اذكريلي شي واحد يستحق اقعد عشانه
قلب ما حن لوصالي ماني بحاجة حنينه
واشهد انه مايعزر بالرفيع الا هوانه
الهوى الغدار حد الله مابيني وبينه
والرجل لا خير فيه ان ما حفظ قدره وصانه
واحد مثلي ليا من حدته عوجا سنينه
ماشكى لقرب بن ادم لوهو اغلى من اخوانه
يوم قلبي ما عصاك ومارضيتي تذبحينه
ليه خنتي فيه وانت معه من نفس الديانه
كان ذبحي بيدك ارحملي من الي تفعلينه
وان طلبتك تذبحيني ما ذبحتيني لعانه
كل جرح من جروحي تذكرينه تنكرينه
كن مالك في نزيفه يد خانت بالامانه
ينزف الخافق تواضع لين لطختي جبينه
ولنا ماكنت ابيها توصل الحد الاهانه
قلت من باب الميانه صاحبك وتعذبينه
لعن ابوك ارخي معاي شوي ماصارت ميانه
طعت عقلك يوم قيل ان العقل بالبنت زينه
لكن الشرهه علي ان كنت احسب انك تكانه
بعد ماكنت انت في حشاي اغلى سجينه
بوعدك بطلق سراحك واتهمني بالادانه
وين رايح ؟ لي درب مايرجع للمدينه
ليه رايح ؟ لن قلبك ماترك قلبي وشانه
كيف ابنسى ! ربي الي ملهم القلب السكينه
مثل ماعانه بقربك لا نوى فرقاك عانه
كان قاسي يجرح اطراف السكاكين السنينه
ما يطيح وبنت مثلك حبها هزت كيانه
ولنا خابر خفوقي ما يمد الا الثمينه
وان بغى يغيظ الثريا قعد القمره وزانه
مزعل لجلك هنوف رجت عقول رزينه
وان تهادة بالطريق الجرهدي تزهر جنانه
جادلٍ كن الجمال قبالها كتف ادينه
والقمر لو شاورتله ينزح وتقعد مكانه
كانت اول من تحكم في فروع الياسمينه
وتعدتهن تفنن خيزرانه خيزرانه
بعتها لجلك وصارت لصغر اطرافك رهينه
ولا هي لفتت هدبها تغمرك ثقل ورزانه
والخفوق الي تغذى من معزة والدينه
مشكلته انه تعلق في زمن ماهو زمانه
كل مازادة جراحه واكتشف غلظة ضنينه
صدقيه ان قال مابه شخص يستاهل حنانه
يوم نادى يافلانه ما رضيتي تسمعينه
لين صوت يافلانه يافلانه يافلانه
كنت اشوفك زعفرانه تقرض الورد وتدينه
يمكن اني ماقطفتك بس اشوفك زعفرانه
كنت اهاب البعد عنك واطلبك لا تذكرينه
كان خوف من الفراق وخطوة الفرقا جبانه
مقتنعة ان الخيانه للرجل تلوي يمينه
لين ماربي بعثك وذقت من طعم الخيانه
اسمحيلي مابقى فيني مكان تطعنينه
وقبلي من جوف قلبي كل عطفه وامتنانه
والله الله في عذابك بتركك عينك بعينه
دلليه ولايرده عن شقاه الا لسانه
ولانا قررت اسافر وامتطي ظهر السفينه
لن مابه شي واحد يستحق اقعد عشانه
تحياتي
cooool girl
2007-09-11, 22:44
